سری لنکا میں پارلیمانی انتخابات میں ووٹنگ جاری

مہر خبررساں ایجنسی نے رائٹرز کے حوالے سے نقل کیا ہے کہ سری لنکا کے عوام پارلیمانی انتخابات میں اپنا حق رائے دہی استعمال کر رہے ہیں۔ اطلاعات کے مطابق سری لنکا میں پارلیمنٹ کی 225 نشستوں کے لیے ووٹنگ جاری ہے۔ پولنگ کا عمل مقامی وقت کے مطابق صبح 7 بجے ہوا جو بغیر کسی وقفے کے شام 5 تک جاری رہے گا۔ پولنگ کے دوران ڈیڑھ کروڑ سے زائد عوام اپنا حق رائے دہی استعمال کررہے ہیں۔ پولنگ کے لئے ملک بھر میں 12 ہزار 300 سے زائد پولنگ اسٹیشنز قائم کئے گئے ہیں جب کہ کسی بھی ناخوشگوار واقعے سے نمٹنے کے لئے 74 ہزار پولیس اہلکاروں کو تعینات کیا گیا ہے۔